Artolak eta Elezkano II.ak aurrera egin dute Eusko Label 4 ½ txapelketan (22-15) (22-13)

2020-12-05

Azkoitiako Gurea pilotalekuak Eusko Label 4 ½ ko partida bi hartu ditu gaur arratsaldean.

Aurrenekoan, Artolak 22-15 gainditu du Peña II.a 45 minutu iraun dituen 194 pilotakadako partidan. 11 tanto egin ditu alegiarrak eta 5 galdu ditu. Tolosarrak hamar egin ditu baina 11 galdu.

Eta jaialdiko bigarren partidan, Elezkano II.ak 22-13 irabazi du Zubizarreta III.aren aurka. Ongi hasi du partida zaratamoarrak (5-0) baina kolpean partida berdintzea lortu du Ataungo aurrelariak (6-6). Markagailuan berdintsu jarraitu dute tarte baten baina Elezkano II.ak zazpi tanto jarraian eginda, norgehiagoka haustea lortu du.

Azkoitiako hirugarren eta azken partidan, Zabalak 22-16 irabazi du Salaberriaren aurka, beraz, Promozio mailako final zortzirenetako azken kanporaketa erabakita geratu da Zabala-Larrazabalen arteko partidarekin.