Artola-Rezustak hirugarren garaipena erdietsi dute Beotibarren (22-10)

2020-07-13

Tolosako partidak itxi du Masters CaixaBank txapelketako hirugarren jardunaldia. Beotibarreko neurketak orain arteko bi bikote onenak jarri ditu aurrez aurre, Artola-Rezusta batetik eta Peña II-Martija bestetik.

Abiadura handiko norgehiagoka jokatu dute lau pilotariek eta amaierako emaitzak adierazten duena baino parekatuagoa izan da. Artolarena eta Rezustarena izan da aginte makila eta Alegiko aurrelariak 14 tanto bukatu ditu. Peña II eta Martija partidari eusten saiatu dira baina tantoak gorrien aldekoak izan dira.

Hasieran parean ibili dira (2-1, 3-2, 3-5) baina zazpi tanto jarraian eginda, gorriek tartea egin dute markagailuan (10-6). Hortik aurrera abantailari eutsi diote Artolak eta Rezustak eta hamabostgarren tantoa egin ondoren 22.era jarraian joan dira.

Jaialdiko lehenengo partidan Dario-Untoriak 5-22 irabazi dute Arretxe II-Erasunen aurka.