ARGOTE, URREZKO HASIBERRIA

2019/03/22

Hilabete baino ez du eman profesionaletan eta datorren igandean Zarautzen izango den partida nagusian Patxi Ruizen kontra jokatuko du Argotek.
Asegarceko pilotariak Asier Olaizola eukiko du lagun eta Julen Retegi aurrelari aurkari gisa. Hasi berri den aztelariak aparteko estadistika lortu du profesionaletan daraman hilabete honetan: sei partiduetatik seiak irabazi ditu.

Asegarce.com-eko erredakzioa berarekin egon da solasean eta harri eta zur aurkitu dugu “Ez nuen inolaz ere espero. Profesionaletan pixkanaka pixkanaka joatea zen nere helburua, jokuan gustora aritzea ..
Orain arte ondo ibili naiz, partiduetan pilotaz gozatuz eta horrela jokatutako sei neurketetik seiak irabazi ditut. Zenbakiak baino ez dira eta seguru aldatuko direla. Patxi Ruizen kontra jokatzea …. uff, Patxi handietako bat da eta ustekabean harrapatu nau. Gaurtik iganderarte lan asko egin behar izango da eta partiduaren mailara egokitu behar izango naiz.”