ARAZORIK EZ EIBAR ETA TOLOSAKO PILOTA AUKERAKETETAN

2019-03-22

Bi hautaketa izan dira gaur Binakako Txapelketako ligako finalaurdenetako azken ihardunaldiri dagozkion partiduetan. Bata eguerdian izan da Eibarko astelena pilotalekuan bertan Olaizola II.a-Mendizabal II.a eta Gonzalez-Laskurain izan direla.
Esan beharrik ez dago finalerdietarako sailkatzeko neurketa arras erabakigarria dela, izan ere irabazten duena pasea lortu du eta.

Arazorik ez da izan eta Asegarceko bikoteak 105,8, 105,7 eta 105,1 gramoko pilotak bereiztu dituen bitartean Aspekoak baskulan 106, 105,9 eta 105,9 gramoko pisua eman duen sorta hartu du. Asegarceko bikoaren pilotak frontisetik gutxi atera baina azpitik ondo doazenetarikoak dira.

Beotibarren ere bai

Bestalde, Tolosako Beotibarren Saralegi-Apraiz eta Xala-Zubietak , sailkapenari begira ezer jokuan ez dagoen norgehiagokarako larruzkoak bereiztu dituzte.
Sorta biak antzekoak dira, bote erdikoak alegia.

Saralegi-Apraiz: 105,9-106-104,7 g.
Xala-Zubieta: 105,2-104,4-105,2 g.