Apirilaren 4an hasiko da 2025eko Buruz Buruko Serie B Txapelketa

2025-03-25

• Txapelketa apirilaren 4an hasiko da Azkoitian eta maiatzaren 24an amaituko da Labriteko finalarekin
• Bakaikoa, Alberdi II, Zubizarreta III, Eskiroz, Morgaetxebarria edo Lizeaga, Agirre edo Senar, Egiguren V, Murua, Salaberria, De la Fuente, Exposito eta Aldabe txapela irabazten saiatuko dira
• Txapelketa final-zortzirenetako kanporaketekin hasiko da eta final-laurdenetako liga batekin jarraituko du, ondoren finalerdiak eta finala jokatuko dituzte

Azkoitia, 2025eko martxoaren 25a

2025eko Buruz Buruko Serie B Txapelketa irabazten saiatuko diren pilotarien zerrenda ezagutzera eman dute gaur Azkoitian. Baiko Pilotako sei ordezkari eta Aspeko beste sei, maiatzaren 24an Labriten jokatuko den finalean txapela janzten saiatuko dira.

Apirilaren 4an, hasiko dira final-zortzirenetako kanporaketak. Alberdi II.ak eta Aldabek egun horretan estreinatuko dute lehiaketa Azkoitian. Larunbatean, Bilbon, Expositok Morgaetxebarria eta Lizeagaren arteko kanporaketako irabazlearen aurka jokatuko du. Larunbatean ere, baina Iruñean, De la Fuentek eta Muruak neurtuko dituzte indarrak. Eta igandean, Tolosan, Eskirozek eta Zubizarreta III.ak Buruz Buruko Serie B Txapelketako final-zortzirenak itxiko dituzte.

Sarrerak salgai

Jaialdietarako sarrerak jadanik eskuragarri daude entradasfronton atarian