2023-07-06
- 2023ko Andre Maria Zuriaren Torneoa abuztuaren 4an hasiko da, ostiralean, eta finala hilaren 8an jokatuko da Ogetan, bi finalerdien ostean
- Larrazabal-Mariezkurrena II, Peña II-Albisu, Ezkurdia-Zabaleta eta Altuna III-Martija bikoteek hartuko dute parte torneoan
Vitoria-Gasteiz, 2023ko uztailaren 6a
Abuztuaren 4an, ostirala, lehen finalerdia jokatuko dute Peña II-Albisu eta Larrazabal-Mariezkurrena II bikoteek, eta bi egun geroago, abuztuaren 6an, bigarren finalerdia jokatuko dute Ezkurdia-Zabaleta eta Altuna III-Martija bikoteek.
Bi kanporaketetako irabazleak abuztuaren 8ko finalean gurutzatuko dira, Gasteizko Ogetan.
Andre Maria Zuria Torneoaren aurkezpenean, honako hauek parte hartu dute: Ana Lopez de Uralde, Vitoria-Gasteizko Udaleko Kirol eta Osasun zinegotziak, Iñaki Ibeas, CaixaBankeko Negozio Arloko zuzendariak, Unai Iglesias, Baiko Pilotako arduradun komertzialak, eta Inaxio Errandonea, Aspe Pelotako arduradun komertzialak.
Andre Maria Zuria Torneoko jaialdietarako sarrerak entradasfronton web orrian erosi ahal izango dira.
EPELen eta Gasteizko Udalaren arteko akordioa
EPELek beste urtebetez luzatu du Gasteizko Udalarekin 2023/2024 denboraldian Ogeta pilotalekuan eskupilota profesionaleko partidak egiteko akordioa.EPELen eta Gasteizko Udalaren arteko akordioari esker, hiru jaialdi hartuko dituen Andre Maria Zuria torneoaz gain (bi finalerdi eta finala), gutxienez beste lau jaialdi egingo dira Ogeta pilotalekuan, txapelketa bakoitzean (4 ½, Binakaka eta Buruz Buru) bat gutxienez, eta horietako baten finalerdi bat jokatuko litzateke.