Andoni Aretxabaletak amaiera emango dio bere pilotari profesional ibilbideari

29 de septiembre de 2022

Markina-Xemeingo atzelaria Binakako Txapelketako finalista izan zen 2014an, eta zortzi aldiz parte hartu du Binakako Txapelketan.

Aretxabaletak 18 urterekin egin zuen debuta 2011ko uztailaren 17an Pilotaren Unibertsitatean eta ordutik 396 partida jokatu ditu.

Baiko Pilotarekin gaur egun duen kirol-kontratuaren amaieraren gertutasunak eta duela gutxi entrenamendu batean pilota baten kolpearen ondorioz bere ezkerreko eskuko laugarren hatzean izan duen lesioak, ebakuntza-gelatik pasatzera behartzen duenak, Aretxabaleta pilotari gisa bere ibilbide profesionalari amaiera emateko erabakia hartzera bultzatu dute.

Andoni Aretxabaletari duela hiru urte atzamarrean jarritako inplantea hautsi zaio, eta ebakuntza egin behar diote, artikulazio interfalangiko distaleko artrodesia berriro egiteko.

Andoni Aretxabaletak agur esateko aukera izango du urriaren 22an Bizkaia Frontoian kide, lagun eta familiaz inguratuta.