Altuna III-Imazek Olaizola II-Zabaletaren aurka jokatuko dute ostiralean, atzo, Lizarran, garaipena lortu ondoren (19-22)

2020/09/19

Erabakita geratu dira CaixaBank Masterseko finalerdietako partidak. Lehenengo sailkatuek, Artolak eta Rezustak, laugarren sailkatu diren Bengoetxea VI-Martijaren aurka jokatuko dute. Norgehiagoka hau astelehenean izango da Logroñoko Adarraga pilotalekuan 19:15tan hasiko den pilota jaialdian. Eta beste kanporaketan bigarrenak eta hirugarrenak izango dira aurrez aurre. Hau da, Olaizola II-Zabaleta eta Altuna III-Imaz. Bi bikote hauek ostiralean jokatuko dute toki berean eta ordu berean.

Atzo, partida parekatua eskeini zuten lau pilotariek Lizarrako Remontival pilotalekuan. Hala ere nafarrek bidea egin zuten hasieratik 4-5etik 10-5era salto egin zutenean. Luzaroan eutsi zioten abantailari baina Altuna III-Imazek partida berdintzea lortu zuten 17-17koarekin eta handik aurrera hobeto bukatu zuten neurketa 19-22 irabazita.

Emaitza: Bengoetxea VI-Martija 19-22 Altuna III-Imaz
Partidaren iraupena: Ordu 1eta 11 minutu
Pilotakadak: 494
Berdinketak: 1-1, 2-2, 4-4, 5-5, 17-17
Gorriek (Bengoetxea VI-Martija): 11 egindako eta 7 galdutako 
Urdinek (Altuna III-Imaz): 15 egindako eta 8 galdutako 
Lehenengo partida: Arteaga II-Urretabizkaia II 20-22 Untoria-