Altuna III-Imaz finalerdietan izango dira Igorren irabazi ondoren (15-22)

2020/09/12

CaixaBank Masterseko finalerdietarako hirugarren txartelak ere baditu jabeak. Altuna III-Imazek 15-22 garaitu dituzte Urrutikoetxea-Bikuña gaur arratsaldean Igorren jokatutako partidan. Bederatzi punturekin seguru dira Adarragako finalerdietako partida batean edo bestean. Gaurko norgehiagoka erraz hasi dute 0-7 aurretik jarri ondoren. Urrutikoetxeak eta Bikuñak hala ere ez dute etsi eta 11-15 hurbildu dira markagailuan. Gora behera handirik egin gabe, urdinek abantailari eutsi diote eta azkenean 15-22 gailendu dira.

Emaitza: Urrutikoetxea-Bikuña 15-22 Altuna III-Imaz

Partidaren iraupena: Ordu 1eta 07 minutu

Pilotakadak: 507

Gorriek (Urrutikoetxea-Bikuña): 12 tanto egin dituzte eta 12 galdu 

Urdinek (Altuna III-Imaz): 10 tanto egin dituzte eta 3 galdu 

Lehenengo partida: Elordi-O.Etxebarria 22-12* Bakaikoa-Ibai Zabala  

Partida bertan behera geratu da gorriak 13-12 irabazten ari zirenean.