Altuna III.aren eta Ezkurdiaren arteko finala eguneko saiorik ikusiena izan zen atzo Euskadin

2022-11-21

Atzo Bilboko Bizkaia Frontoian jokatu zen Ezkurdia eta Altuna III.aren arteko Eusko Label 4 1/2 Txapelketako finalak audientzia datu historikoak izan zituen. Arbizuko eta Amezketako pilotarien arteko finalak interes handia piztu zuen ikus-entzuleen artean. Joseba Ezkurdiak irabazi zuen lehia 22-21eko emaitzarekin.

Hona hemen atzoko datuetako batzuk:

– Partidaren zuzeneko emanaldia eguneko saiorik ikusiena izan zen Euskadin
– Finala bere ordu-tartean nagusi izan zen eta azken bost urteetako daturik onena lortu zuen
– % 24,5eko audientzia zatia lortu zuen eta euskaldunen artean % 38,3ko kuota
– 322.000 ikus-entzulek bat egin zuten partidaren emanaldiarekin Euskadin eta eragin eremuan

Aipatzekoa da aurreko asteetan sortutako ikusmin handiak oihartzuna izan zuela Bizkaia Frontoira bildutako jendetzan ere. Zaleek bi pilotariek eskaini zuten final handiarekin gozatu eta sufritu zuten.