Albisu, Ataungo zartailua

2019/03/22

Berasaluze VIII.ak eta Albisuk,  Mtz. de Irujo eta Barriola 22-12 mendean hartu dituzte Euskadi Goza ezazu Binakako Txapelketaren finalerdietako azken jardunaldian, Labrit pilotalekuan jokaturiko partidan.

Ez da nolanahiko neurketa izan. Urdinak faborito bezala irten dira kantxara eta sekulako eskarmentua jaso dute Asegarceko bikotearen eskutik. Albisuk ahoa bete hortz utzi du frontoia bete duen pilotazale oro. Sekulako zartadak eman ditu partidu osoaren zehar eta Barriola errebote aldean edukitzeaz gain, Mtz. de Irujori airea kendu dio behin eta berriz.

Berasaluze VIII.ak bere aldetik, bere lagunaren pareko partida egin du. 11 tanto lortu ditu eta Iberekoa erabat menderatu du. Denetariko tantoak egin ditu; txapagainekoak, gantxoak, paradak, eta abar.
Emaitza honekin, eta bihar Xala eta Laskurainek garaipena lorten badute, Juan eta Abel finalaurdenetatik kanpo geratu lirateke.

Datuak:
344 pilotakadak
47:27 min.
Berasaluze VIII.a: sake bat, 11 tanto, 4 huts.
Mtz. de Irujo: sake bat, 5 tanto, 6 huts.
Albisu: 2 huts.
0-3 3-3 3-5 9-6 9-9 14-10 14-12 22-12.