Alberdi-Salaverri II.ak aurreneko puntua eskuratu dute Promozio Txapelketan (22-17)

2021-01-12

Partida hasiera gogorra eta estua eskeini dute lau pilotariek. Aurreneko atsedenaldi luzera iristerako, 12-10, bi bikoteek ia laurehun pilotakada joak zituzten jadanik.

Bazirudien Bakaikoa-Elizegik eta Alberdi-Salaverri II.ak ezin izango ziotela erritmo horri eutsi, baina ahaleginean iraun egin dute eta ordu bat eta hemezortzi minutuko partidan 841 pilotakada jo dituzte orotara.
Partidaren lehenengo zatian ez da alde nabarmenik izan ez bataren eta ez bestearen alde, baina 14-10 zihoazenean, urdinek hamar tanto egin dituzte eta partida zatitzea lortu dute.

Amaieran Bakaikoa eta Elizegi urdinen parera hurreratu badira ere -17-20-, Alberdi-Salaverri II.ak partida ixtea lortu dute.

Binakako Txapelketari dagokionez, Elezkano II-Zabaletak 22-19 gainditu dituzte Jaka-Martija.

Emaitza: Bakaikoa-Elizegi 17-22 Alberdi-Salaverri II
Partidaren iraupena: Ordu 1 eta 18 minutu
Pilotakadak: 841
Berdinketak: 2-2, 10-10, 14-14
Gorriz (Bakaikoa-Elizegi): 9 tanto egin dituzte eta 16 galdu
Urdinez (Alberdi-Salaverri II): 6 tanto egin dituzte eta 8 galdu


Binakako Txapelketa: Jaka-Martija 19-22 Elezkano II-Zabaleta