Aitor Arangurenek Baiko Pilotan jarraituko du

P.Etxeberriak 22-16 irabazi dio Elordiri Eibarren, eta Zabalak 22-7 garaitu du Dario Seguran. Hurrengo fasean, P.Etxeberriak Ezkurdiaren aurka jokatuko du larunbatean Sopelan, eta Zabalak Altuna III.aren aurka igandean Mungian.

Bakaikoak 22-21 irabazi dio Zubizarreta III.ari Zaldibarren, eta asteazkenean, Hernanin, final-laurdenak jokatuko ditu Artolaren aurka.

Larrazabalek 22-7 gainditu du Jaka Muskizen, eta Peña II.a izango du aurkari Gernikan ekainaren 27an. Elordik Salaberria kanporatu du Barañainen, eta final-zortzirenetarako sailkatu da.

Bakaikoak 22-20 irabazi dio Agirreri, eta Zubizarreta III.ak 22-8 gainditu du Senar Etxarri Aranatzen. Bi irabazleek elkarren aurka jokatuko dute igandean Zaldibarren. Urrestillan, Dariok 22-7 gainditu du Egiguren V.a.