“AIMAR IZANGO DA NIRE BOTILLEROA” DIO OLAIZOLA I.AK

2019-03-22

Olaizola I.ak eta Mtz. de Irujok bat egin dute eguerdian Iruñeko Labrit pilotalekuan larunbat honetan elkarren aurka jokatuko duten EPELen Eskuz Banakako finalaurdenetako ligaxkako bigarren partidurako pilotak bereizteko.

Puntu bana dute eta esan beharrik ez dago bigarrena garrantzi handikoa izango dela. Otarrearekin arazorik ez da izan eta biak gustora geratu dira.
Aukeraketa bukatu ondoren kazetarien aurrean azaldu dira hauek luzatutako galderei erantzuteko. Asier honela mintzo da.

“Materialarekin gustora geratu naiz. Frontisetik ondo atera eta lurrean motelago doazen pilotak hartu ditut.
Partiduaren nondik norakoa, larunbatean bertan ikusiko da. Juanekin sarritan jokatu izan dut eta garbi dago bera menperatzea oso zaila dela. Errekurtso pilo bat du; sake, errestoa, aire, kolpe …
Oinatzen kontrako partiduan lehen puntua lortzeak adore eman zidan eta badakit beste puntu bat lortu ezkero finalerdietan sartzeko aukera handia emango didala.
Nere jokua egiten saiatuko naiz. Aurreneko partiduan ondo sakatu nuen eta errestoan, ba ,betiko zuloa, ea larunbatean min handia egiten ez didan.
Aimar izango da nire botilleroa”.

Berasaluze IX.a eta Urrutikoetxea Sestaon

Sestaon ere hautaketa egon da Promozio Txapelketako finalaurdenetako ligaxkan Berasaluze VIII.a eta Urrutikoetxea lehiatuko diren partidurako.
Asierrek 106,7 eta 105,5 gramoko pilotak hartu ditu eta Mikelelek aldiz, 106 eta 105,7 gramokoak irteera gehiago dutenak hain zuzen ere.