“Ahulen” matxinada.

2020-05-15

Txapelketako aurkezpenaren biharamunean
bi bikote zeuden, titulurako hautagai gisa egin ziren iragarpen
askotan sartzen ez zirenak. Orain, bi jardunaldi jokatu direnean, bi
bikote hauek sailkapeneko liderrak dira. Jaka – Zabaleta eta Artola
– Imaz.

Jardunaldiko azken partida Artolak eta
Imazek irabazi dute Olaizola II.aren eta Urrutikoetxearen aurka (13 –
22). Sorian jokatutako partida oso parekatua izan da 12 puntuko
berdinketara arte. Une horretatik aurrera urdinak aurrean zein
atzealdean nagusitu dira eta zuzenean 22ra joan dira.

Emaitza honekin eta Txapelketako
sailkapena amaitutako gainontzeko partidekin bi bikote dira buru 2
punturekin: Jaka – Zabaleta eta Artola – Imaz. 3. postutik 6.era,
Ezkurdia- Martija, Olaizola II – Urrutikoetxea, Bengoetxea VI-
Mariezkurrena II eta Irribarria- Rezusta. Sailkapena 0 punturekin
itxi dute bi bikotek: Laso – Albisu eta Altuna – Ladis Galarza.