Iruñeko Labriteko jaialdia Agirre-Eskiroz vs Exposito-Gaskue partidarekin hasiko da, eta ondoren Binakako Txapelketako partida jokatuko dute P.Etxeberria-Martijak eta Senar-Iztuetak.
Prentsa oharra -EPEL-
EPELeko LEHIAKETA EPAILEAREN ERABAKIA
2025eko otsailaren 15a
KONTUAN HARTUTA:
1.- Binakako Serie B Txapelketako 14. jardunaldiko partidak jokatu behar zirela, eta 2025eko otsailaren 15erako programatuta zegoela Iruñean Agirre – Ugartemendia eta Salaberria – Gaskue.
2.- 14. jardunaldiko partidak play-offak hasi baino lehen jokatu behar direla, eta honen hasiera 2025eko otsailaren 22rako aurreikusita dagoela.
3.- Agirre – Ugartemendia bikoteak 14. jardunaldiko partida jokatzea eragozten dioten arazo fisikoak dituela. Bikote horren enpresak (Baiko Pilotak) EPELi adierazi diola ezin duela bikotea ordezkatuko duen beste pilotaririk eduki 14. jardunaldian.
4.- Jakina denez, pilotari edo bikote batek ezin badu EPELeko lehiaketako partida batean parte hartu, 22 – 0 galdutzat zenbatuko da, eta bere arerioak eskuratuko du garaipena.
Azaldutakoagatik, hau ERABAKI DA:
Binakako Serie B Txapelketako sailkapenaren ondorioetarako, Agirre – Ugartemendia eta Salaberria – Gaskue bikoteen arteko 14. jardunaldiko partidaren emaitza 0 – 22 dela ezartzea.
Erabakitakoaren aurka ezin da errekurtsorik jarri.
Borja Osés García
EPELeko Lehiaketa epailea