Agirre final laurdenetan izango da Bengoetxea VI.a mendean hartu ondoren (17-22)

2020-11-07

Bi nafarren arteko lehia estua espero zen gaur Amurrion eta ez dute hutsik egin bi aurrelariek.

Ordu bete iraun duen partidan batak zein besteak agindu du uneren batean markagailuan. Aldeak ez dira handiegiak izan baina une esanguratsu bi izan dira norgehiagokan. Lehenengoan bazirudien Oinatzek garaipenera bidea egingo zuela sei tanto jarraian egin ondoren 13-6 aurretik jarri denean. Asierrek ordea kolpetik irauli du markagailua 12 tanto jarraian egin eta 13-18 aurreratuta. Hortik aurrera Agirrek gehiago asmatu du eta azkenean 17-22 irabazi du.

Iruñarrak Elezkano II.a izango du zain final laurdenetan.

Amurrioko jaialdiko bigarren partidan Olaizola II-Uriondok 22-18 garaitu dituzte Larrazabal eta Imaz.

Emaitza: Bengoetxea VI 17-22 Agirre
Partidaren iraupena: Ordu 1
Pilotakadak: 239
Berdinketak: 1-1, 3-3, 4-4, 13-13
Gorriz (Bengoetxea VI): 13 tanto egin ditu eta 8 galdu
Urdinez (Agirre): 14 tanto egin ditu eta 4 galdu
Bigarren partida: Olaizola II-Uriondo 22-18 Larrazabal-Imaz