Larunbat honetan arratsaldeko bostetan Zornoztako Amorebieta IV.a pilotalekuak 2006ko EPELen Eskuz Banakako Txapelketan Agirre eta Urberuagak final hogeitamabirenetan jokatuko duten derbia hartuko du.
Telecincok zuzenean eskiniko du norgehiagoka eta aterako den irabazleak Bengoetxea VI.a topatuko du hamaseirenetako fasean.
Partida honen ondoren 2. mailako Eskuz Banakako Txapelketari dagokion Eguskiza vs. Beobide neurketa jokatuko da. Txapelketa honen zehaztasunak datozen orduetan jakinaraziko dizkizuegu.
Aipatzekoa da ere jaialdi honetako lehen partidan Arretxe II.a Olaizola II.aren kontra jokatuko duela binaka.
Hogeitamabirenetako ihardunaldia
Zornoztako partidarako pilota aukeraketa datorren asteazkenean 11:30etan izango da. Eskuz Banakako Txapelketako gainerako hiru neurketa eta aukeraketak finkatuta daude dagoeneko. Honako hauek dira:
Zeanurin, ostiralean, hilak 31, 22:30 etan, Goñi III.a vs. Leiza.
Aukeraketa asteazkenean 16:00etan.
Oiartzunen, igandean, apirilak 1, 17:00 etan, Koka vs. Eulate.
Aukeraketa ostegunean 11:30 etan.
Tolosan astelehenean, apirilak 2, 16:30 etan Galarza V.a vs. Peñagarikano. Aukeraketa ostegunean 16:00 etan.