AGIRRE ” ERRITMO BIZIA EMONGO DEUTSOT PARTIDUARI”

2019/03/22

Imanol Agirre Zornotzan egon da pilotak aukeratzen Xabier Urberuagarekin batera eta datorren zapatuan izango dan kanporaketari buruz zera esan deusku asegarce.com-en. “Erritmoa emon beharko deutsot partiduari ze Urberuaga ondo dabil piloteoan eta frontoi honetan pilotak bote handia hartzen dabe, honela Xabierrek jokua atzean euki dezakela. Ni aurrean jokatzen ahaleginduko naz joku arina eginez eta jokaldiak azkar bukatuz. Jokuaren aldetik ondo nago, entrenamendu batzu egin dodaz eta gustora geratu naz. Beste gauza da animoa. Ea gorantz noan”.

Agirrek bost minututan gauzatu du aukeraketa eta pilota azkarrak bereiztu ditu, hots, behetik arin doazenak.
Urberuagak 10 minutu eman ditu pilotak hautatzeko eta bote handiagokoak omen dira. Gainera frontisetik irteera ederra dute.
Imanolen pisuak honako hauek izan dira: 104,3 gramoko bi pilota.
Xabierren pilotek pisu hauek eman dute: 105,6 eta 102,8 gramo.