Agirre-Albisuk finalerdietako lehenengo puntua eskuratu dute Bilbon (14-22)

2020-10-04

Eskuz Binakako Txapelketako finalerdietako bigarren jardunaldiko parttida jokatu dute Jaka-Zabaletak eta Agirre-Albisuk.

Bi bikoteak lehenengo partida galduta iritsi dira Bilbora eta finalerako aukerak izateko behar beharrezkoa zuten gaur irabaztea.
Partidako lehenengo tantoak Jaka-Zabaletarenak izan badira ere, Agirrek eta Albisuk laister hartu dute aurrea markagailuan eta hogeita bigarren tantora iritsi arte jarraitu dute.

Jokoak aurrera egin ahala, abantaila gero eta handiagoa izan da urdinen alde eta azkenean 14-22 irabazi dute Agirre-Albisuk.

Igande arratsaldean finalerdietako beste partida jokatuko dute Olaizola II-Urrutikoetxeak eta Ezkurdia-Martijak Eibargo Astelena pilotalekuan. Jaialdia arratsaldeko 17:00tan hasiko da.

Emaitza: Jaka-Zabaleta 14-22 Agirre-Albisu

Partidaren iraupena: Ordu 1 eta 16 minutu

Pilotakadak: 640

Berdinketak: 2-2, 3-3

Gorriek (Jaka-Zabaleta): 8 tanto egin dituzte eta 9 galdu

Urdinek (Agirre-Albisu): 13 tanto egin dituzte eta 6 galdu

Lehenengo partida: Arteaga II-Erasun 11-22 Zubizarreta III-Urretabizkaia II