ADORE HANDIA ERAKUTSI ARREN ESKUZ BANAKAKO TXAPELKETATIK AT GERATU DA ARRETXE II.A

2019/05/13

Iker Arretxek agur egin behar izan dio 2011ko EPELen Eskuz Banakako Txapelketari gaur Eibarko Astelena pilotalekuan Aritz Lasaren aurrean 16-22 galdu eta gero.

Bere ohiko adorea erakutsi du Luzaideko pilotariak eta bere aita den Fernando Arretxe -Eskuz Banakako Txapeldun ohia- aholkulari gisa eduki du aldamenean, baina piloteoan aurkariaren maila berean aritu arren huts gehiegi egin ditu.
Asegarceko pilotaria airezko erremateak egiteko aurrera jo duenean ez du nahi beste asmatu eta horrek kaltea eragin dio markadoreari begira.

Aritz Lasak Bengoetxea VI.aren aurka jokatu beharko du final zortzirenetan.