4 ½ ko Promozio Txapelketa aurkeztu dute gaur goizean Bilbon

2021/10/05

• Txapelketa ostiral honetan hasiko da Iurretan eta azaroaren 6an amaituko da

• Bakaikoa, Dario, Salaberria eta Zubizarreta III.a izango dira taldeburuak

• Lehiaketa final-laurdenetako ligaxka batekin hasiko da


Gaurko aurkezpenean 4 ½ ko Promozio Txapelketa irabazten saiatuko diren 8 pilotarien zerrenda eman dute ezagutzera. Baiko Pilotako lau ordezkarik eta Aspeko beste lauk final-laurdenetako ligaxka jokatuko dute lehenik eta behin, eta hortik lau pilotari onenek finalerdietara egingo dute salto. Finala azaroaren 6an jokatuko dute.

Ostiral honetarako Iurretan eta Altsasun antolatu dituzten pilota jaialdietan ekingo diote pilotariek 4 ½ ko Promozio Txapelketako final-laurdenetako lehenengo jardunaldiari. Egiguren V-Zubizarreta III izango dira aurrez aurre Iurretan, eta Salaberria vs Zabala Altsasun. Larunbatean Bakaikoak eta Alberdik neurtuko dituzte elkarren indarrak Balmasedan. Eta igandean Dariok eta Larrazabalek itxiera emango diote Eibarren aurreneko jardunaldiari.


Jaialdi hauetarako sarrerak entradasfronton webgunean eskuratu daitezke.


Ostiralean, hasiko da 4 ½ ko Promozio Txapelketa 2021.