4 ½ ko Eusko Label eta Promozio mailako txapelketatako finalerdietako azken txartelak izango dira jokoan igande honetan Eibarren

2020/12/13

Eibarren egingo den jaialdian, Eusko Label 4 ½ txapelketako finalerdietako azken hutsunea nork beteko duen argituko da. Edo Artolak edo Ezkurdiak. Eta Promozio mailako txapelketaren kasuan, Alberdi eta Egiguren V.a finalaren aurreko fasean sartzen saiatuko dira.

Gaur arratsaldean Arteaga II.ak ezin izan du aurrera egin Lau t’erdiko Promozio mailako txapelketan Darioren aurka 22-12 galdu ondoren. Honenbestez, Lasarte-Oriako aurrelariak agur esan dio lehiaketari.

Eusko Label 4 ½ an Altuna III.ak 14-22 gainditu du Elezkano II.a eta datorren asteburuan finalerdietan izango da Bengoetxea VI.aren aurka.
Eta Bizkaia Frontoiko pilota jaialdiko aurreneko partidan, Zubizarreta III-Zabaletak 9-22 gainditu dituzte Peña II-Rezusta.