2021-07-02
• Uztailaren 8tik 11ra jokatuko da Labriten
• Uztailaren 8an, ostegunean, hasiko da, 22:15ean, Olaizola II-Mariezkurrena II vs Urrutikoetxea-Albisu partidarekin
• Ikusleak jaialdietara joan ahal izango dira eta sarrerak gaur jarriko dira salgai https://entradasfronton.com webgunean
Iruñea, 2021eko uztailaren 2a
2021eko San Fermin Torneoa aurkeztu dute gaur Iruñeako CaixaBanken egoitzan. Torneoa uztailaren 8tik 11ra egingo da, eta enpresa bakoitzak lau pilotari izango ditu.
Uztailaren 8an eta 9an, gaueko 22:15ean finalerdietako partidak jokatuko dituzte: Olaizola II-Mariezkurrena II vs Urrutikoetxea-Albisu eta Ezkurdia-Martija vs P.Etxeberria-Zabaleta.
Finala uztailaren 11n izango da, 17:30ean.
San Fermin torneoan Urzante Erronka ere egongo da jokoan. Uztailaren 10ean jokatuko dute, 17:30etik aurrera hasiko den hiru partidako jaialdian:
• 4 ½: ELEZKANO II vs AGIRRE
• Binaka: ALTUNA III-TOLOSA vs BENGOETXEA VI-IMAZ
• Buruz buru: REZUSTA vs LASO
Lau jaialdietara joateko sarrerak gaurtik aurrera eskuratu ahal izango dira https://entradasfronton.com web orrialdean.
Uztailaren 8an hasiko da 2021eko Binakako San Fermin Txapelketa.