200 pertsona inguru egon dira Vall de Hebron frontoian pilota aukeraketa ikusten

2019/03/22

Arratsaldeko zazpietan zen hitzordua,
eta pilota aukeraketa gauzatzeko parte hartu duten pilotari,
intendente eta hautatzaileak, ustegabe galanta hartu dute
pilotalekuko harmailetan 200 pertsona inguru kantxari so zirela ikusi
dutenean.

Pilotariek aukeratu dituzten pilota
sortak hauek izan dira: Berasaluze VIII.ak eta Albisuk 105,2-104 eta
104,1 gramoko pilotak hautatu dituzte. Olaizola II.ak eta Beroizek,
aldiz, 104-104,1 eta 105ekoak bereiztu dituzte.

Asegarceko intendentea den Jose Angel
Balanza “Goros”en iritziz, frontisek ez du irteera gehiegi
eta zorua azkarra da. Inoiz bertan jokatu ez duten pilotariek, ontzat
jo dute, kantxa zein dauden instalazioak.