DIAZ ETA ARGOTEREN ARTEKO FINALAK GAINEZKA IPINIKO DU BEOTIBAR

2019/03/22

Larunbat honetan Diaz eta Argotek jokatuko duten Promozio Lau eta Erdiko BBK Txapelletako finalak ankaz gora jarriko du Tolosako Beotibar pilotalekua eta sarrera gabe geratuko da zilarrezko kaiolako bi pilotari onenen arteko partida bertan ikusteko.
Pilotalekuko 1.220 toki agortzear daude azken egunetan jaso den eskaera handia izan baita, eta larunbatean arratsaldeko hiru eta erdietan txarteldegiak zabaltzen direnean geratzen direnak salduko direlakoan da antolakuntza.
150 bat sarrera erreserbatu dute finalista banak eta Santacaratik autobus bat etorriko omen da Diaz animatzera.

Pilota aukeraketa

Bi pilotariok pilota aukeraketa egin dute asteazkenean eta inolako arzorik gabe bereiztu dute materiala.
Diazen lotea Argotearena baino azkartsuagoa eta biziagoa ei da. Jokinena mugitzeko zailagoa da.

Díaz: 104,4-103,5 g.
Argote: 105-104 g.